2018 წლის 12 ოქტომბერს მაჭახელას ეროვნული პარკის ადმინისტრაციის ორგანიზებით სოფ. ზ/ჩხუტუნეთის ნორჩი რეინჯერებისთვის ეროვნული პარკის ტერიტორიაზე გახორციელდა ეკო-ტური „ერთი დღე რეინჯერთან“.
აღნიშნული აქტივობის ფარგლებში ნორჩი რეინჯერები გაეცნო რეინჯერის საქმიანობებს: ისწავლეს თუ როგორ ახორციელებს რეინჯერი ცხოველთა ნაკვალევის აღრიცხვას, GPS-ის გამოყენებით კოორდინატების აღებას, ასევე ისწავლეს კარვის გაშლა და თუ როგორ მონტაჟდება ფოტოხაფანგი ცხოველთა მონიტორინგისთვის. გასვლითი ტური განხორციელდა მაჭახელას ეროვნული პარკის ადმინისტრაციის ეკო-საგანმანათლებლო პროგრამა „ნორჩი რეინჯერის“ ფარგლებში,რომელიც შემუშავებულ იქნა "მტირალას და მაჭახელას დაცული ტერიტორიების მეგობართა ასოციაციის" მიერ.
